Fins.az - Fransız alkoqollu içki istehsalçısı Pernod Ricard, 2025-ci maliyyə ilinin ilk yarısında satışlarını 6% azaldığını açıqlayıb.
Şirkət, 2024-cü ilin iyul-dekabr aylarında 6,18 milyard avro gəlir əldə edib, bu rəqəm keçən ilin eyni dövrü ilə müqayisədə 6,59 milyard avro olub. Üzvi satışlar isə 4% azalıb.
Pernod Ricard’ın gəlirləri müxtəlif regionlarda fərqli səviyyələrdə azalma göstərib. Şimali və Cənubi Amerikada üzvi gəlir 4% azalıb, xüsusən ABŞ-da bu rəqəm 7% olub. Avropada satışlar 2% azalıb, lakin Rusiya nəzərə alınmazsa, 1% artım müşahidə edilib. Asiya və digər bölgələrdə isə 5% azalma qeydə alınıb. Xüsusilə Çin bazarında satışlar 25% düşüb.
Şirkət, gələcəkdə üzvi satışların 3-6% arasında artmasını gözləyir. Əvvəlki proqnozda 4-7% arası artım nəzərdə tutulmuşdu. 2025-ci maliyyə ilində isə üzvi gəlirlərin 1-3% arasında azalma ehtimalı olduğu bildirilir, əvvəlki proqnozda artım gözlənilirdi.
Pernod Ricard, 1975-ci ildə qurulmuş və dünyanın tanınmış alkoqollu içki markalarının istehsalçısıdır. Şirkət, Absolut votkası, Havana Club romu, Jameson, Ballantine's, Chivas Regal viskiləri, Martell konyağı, Beefeater cin, Malibu və Kahlua likerləri, Mumm və Perrier-Jouet şampanları, Olmeca tekilasını istehsal edir və məhsullarını 160 ölkədə satır. Şirkət, həmçinin Yerevan Konyaq Zavodunun sahibidir.
