Argentina Prezidenti Xavyer Miley ölkənin Ümumdünya Səhiyyə Təşkilatından (ÜST) çıxması barədə göstəriş verib.
Yeniavaz.com xəbər verir ki, bu barədə respublika hökumətinin rəsmi nümayəndəsi Manuel Adorni bildirib.
Onun sözlərinə görə, Prezident Xavyer Miley Argentinanın Ümumdünya Səhiyyə Təşkilatından çıxması ilə bağlı xarici işlər naziri Gerardo Verteynə göstəriş verib.
Səbəblər arasında o, ilk növbədə, COVID-19 pandemiyası zamanı səhiyyə siyasəti ilə bağlı dərin fikir ayrılıqlarını qeyd edib.