Türkiyə kubokunda 2-ci turun oyunları keçirilir.
QOL.az xəbər verir ki, bu gün azərbaycanlı futbolçu Vüsal İsgəndərlinin çıxış etdiyi 1-ci liqa təmsilçisi "Boluspor" "Qalatasaray"ı qəbul edib.
Vüsal matçın start heyətində yer alıb. O, matçın 12-ci dəqiqəsində hesabı açmaqla komandasını irəli çıxarıb.
Lakin meydan sahibləri hesabı qoruya bilməyiblər. “Qalatasaray” bundan sonra ardıcıl qollar vurmaqla qələbə qazanıb - 4:1.
İstanbul təmsiçisindən Alvaro Morata (21), Eyüp Aydın (44), Yusuf Demir (72) və Ahmet Kutucu (75) fərqlənib.
