Əgər müharibənin bizim üçün necə bitəcəyini başa düşsək, danışıqlara hazıram, amma Putin ətrafı olmadan mənimlə danışmaqdan qorxur.
Sherg.az Nexta-ya istinadən xəbər verir ki, bu barədə Ukrayna Prezidenti Volodimir Zelenski brifinqdə açıqlama verib. "Həm ABŞ rəhbəri Tramp, həm də Aİ ölkələri Putinsiz diplomatiyanın mümkünsüz olduğuna inanırlar. Ona görə də mən dedim: Əgər bu müharibənin bizim üçün necə başa çatacağına dair aydın anlayışımız olsa, mən hazıram. Biz diplomatiyaya hazırıq, bununla bağlı heç bir problem yoxdur.
Fərmanların ləğvi məsələsi və sair - bu, sadəcə, rus rəvayətidir. Görüşməkdən qaçmaq üçün həmişə bəhanə axtaracaqlar. Əgər biz müharibəni bitirmək və sülhə nail olmaq istəyiriksə, o zaman [danışıqların gecikdirilməsinin] səbəbləri ikinci dərəcəlidir, qalan hər şeyi həll etmək olar, mən buna əminəm.
Ancaq problem ondadır ki, Putin, məncə, mənimlə müharibəni bitirmək barədə danışmaqdan qorxur. Niyə bilmirəm - o, guya yetkin bir kişidir, amma ətrafı olmadan başqa bir insanla tək qalmaqdan qorxur.
Bununla belə, mən inanıram ki, Tramp onu müharibəni bitirməyə məcbur edə bilər”, - deyə prezident brifinqdə bildirib.
