Bakı, 7 fevral, AZƏRTAC
Bakı Slavyan Universitetinin Kitabxana Resurs İnformasiya Kompleksində ali məktəbin rəqəmsallaşma və beynəlmiləlləşmə strategiyaları üzrə fəaliyyətinə dair müzakirə keçirilib.
Bu barədə AZƏRTAC-a BSU-dan məlumat verilib. Bildirilib ki, “Rəqəmsal BSU” layihəsi çərçivəsində müəllim və tələbə modullarının pilot tətbiqinin uğurlu nəticələri nəzərə alınaraq, onların digər fakültələrdə də tətbiqi qərara alınıb. Görüşdə BSU-nun beynəlxalq layihələrdə iştirakı, qlobal reytinqlərdə mövqeyi və beynəlmiləlləşmə siyasətinin inkişaf perspektivləri də təhlil edilib.
