Meşədə tərk edilmiş vaqon tapdılar.
Rusiyada bir qrup balıqçı göldə balıq tutmaq üçün Tayqa meşəsinə gedib. Axşam güclü qar zamanı gecələmək üçün sığınacaq axtarıblar. AzPost Rusiya mətbuatına istinadla xəbər verir ki, balıqşılar maraqlı bir mənzərə ilə qarşılaşıb.
Qısa müddətdən sonra balıqçılar gecəni qalmaq üçün meşədə tərk edilmiş vaqon tapıb.
Köhnə dəmir divarlar onları qardan və küləkdən qoruyub. Balıqçılar ətrafda olabları kameraya çəkiblər.
Vaqonun içi taxta ilə örtülü olub. Küncdə isə borulu soba onların həyatını xilas edib. Qeyd edək ki, Tayqa meşələrində analoji yerlər çoxdur. İnsanlar bəzən gecələmək üçün bu cür yerlərdən istifadə edirlər.
Ancaq burada vacib bir qayda var – gecələyənlər digər səyahətçilər üçün odun hazırlamalı, həmçinin tez xarab olmayan yeməklər qoymalıdırlar. Buna baxmayaraq, metal vaqon vəhşi təbiətdə qeyri-adi görünür.
Günəşin ilk şüaları ilə balıqçılar sığınacaqdan çıxıblar. Onlar bu yerlərin danışılmamış qanunlarını bilirdilər və növbəti təbiətsevərlərin gecəni dinc keçirmələrinə kömək edəcək ləvazimatlar qoyublar.
