Vəzifəyə yeni təyin olunmuş maliyyə naziri Sahil Babayev kollektivə təqdim edilib.
Yeniavaz.com xəbər verir ki, onu nazirliyin kollektivinə Prezident Administrasiyasının rəhbəri Samir Nuriyev təqdim edib.
Qeyd edək ki, 2018-ci ilin 21 aprelindən ötən günə – fevralın 6-dək əmək və əhalinin sosial müdafiəsi naziri kimi işləmiş Sahil Babayev Prezident İlham Əliyevin sərəncamı ilə bu vəzifədən azad edilib. Prezidentin digər sərəncamı ilə o, maliyyə naziri təyin olunub.
