Türkiyənin nəqliyyat və infrastruktur naziri Abdulkadir Uraloğlu türk dünyasını birləşdirəcək nəhəng layihə olan Zəngəzur dəhlizi ilə bağlı önəmli açıqlamalar verib.
Milli.Az oxu.az-a istinadən xəbər verir ki, bu barədə Uraloğlu "TRT News"a xüsusi müsahibəsində bildirib.
O, layihənin son durumu ilə bağlı məlumat verib.
"Zəngəzur dəhlizinin Azərbaycan tərəfindəki hissəsinin 50%-dən çoxu tamamlanıb. Mövsümi şəraitlə bağlı bu il öz tərəfimizdə işlərə başlayacağıq", - nazir bildirib.
Uraloğlu vurğulayıb ki, dəhlizin başa çatması ilə Türkiyənin Azərbaycana və Türk Dünyasına birbaşa çıxışı olacaq.
Milli.Az
