HAMAS-ın azad etdiyi 3 girov Beynəlxalq Qızıl Xaç Komitəsinə təhvil verilib.
APA xəbər verir ki, bu barədə İsrail mediası məlumat yayıb.
Bildirilib ki, üç israill girov - Or Levi, Eli Şərabi və Ohad Ben Amin 491 gün əsirlikdə qaldıqdan sonra azad edilib.
***
11:29
Bu gün HAMAS ilə İsrail atəşkəs razılaşması çərçivəsində növbəti girov və məhbus mübadiləsi keçirəcək.
APA xəbər verir ki, bu barədə İsrail mediası məlumat yayıb.
Məlumata görə, HAMAS 3 girovu - Or Levi, Eli Şərabi və Ohad Ben Amini İsrailə təhvil verəcək.
Mübadilə Qəzzanın mərkəzindəki Səlahəddin yolunda baş tutacaq.
Razılaşmaya görə, İsrail də öz növbəsində 183 fələstinli məhbusu azad edəcək.
Bu, yanvarın 19-da İsrail-HAMAS arasında atəşkəsin əldə olunmasından bəri girov və məhbus mübadiləsinin beşinci raundudur.
