"Mançester Siti"nin meneceri Pep Qvardiola komandanın gələcək transferləri qadağan edə biləcəyini bilə-bilə bu qış transferlərə 180 milyon funt sterlinq (215 milyon avro) xərcləyib-xərcləməməsi ilə bağlı açıqlama verib.
90deqiqe.Az xəbər verir ki, "City Xtra" təcrübəli çalışdırıcının dediklərini belə çatdırıb.
“Bunu perspektivdə desək, son beş ildə “Mançester Siti” xalis xərclərə görə Premyer Liqanın ən böyük klubları arasında sonuncu yerdə olub. Bu transfer pəncərəsindən sonra da biz hələ də "Çelsi", "Mançester Yunayted", "Arsenal", "Tottenhem" və hətta "Liverpul"dan geri qalırıq. Bu ona görə baş verir ki, klub son mövsümlərdə çox şey satıb”
Xatırladaq ki, daha əvvəl Premyer Liqa mankunianları 2009/2010 mövsümündən 2017/2018 mövsümünə qədər 115-dən çox maliyyə qaydasını pozmaqda ittiham etmişdi.
