Misli Premyer Liqasının XXII turunda “Turan Tovuz” səfərdə “Sabah”la üz-üzə gələcək.
İdmanxeber.az-ın məlumatına görə, Tovuz klubu qarşılaşma öncəsi Bakıda yaşayan azarkeşlərə müraciət edib. Həmin müraciətini təqdim edirik:
Dəyərli, “Turan” ailəsi. Komandamız 9 fevral tarixində Premyer Liqanın XXII turunda “Sabah”ın qonağı olacaq. Sizi saat 17:00-da başlayacaq oyunda komandamızı dəstəkləməyə çağırırıq.
Bank Respublika Arenanın qonaq azarkeşlər üçün nəzərdə tutulmuş sektorunda yerinizi alın, həmişə olduğu kimi komandamızın 12-ci oyunçusu siz olun!
Qeyd edək ki, azarkeşlərimizə biletlər azarkeşlərlə əlaqələndiricimiz və fanklub üzvləri tərəfindən sektorun giriş qapısının önündə təqdim ediləcək”.
