Təbii üsullarla öskürək və boğaz problemlərini aradan qaldırmaq istəyənlər üçün sadə, lakin təsirli bir qarışıq mövcuddur. Cəmi iki inqrediyentdən ibarət olan bu qarışıq, illərdir xalq təbabətində istifadə olunur və effektiv nəticələr verir.
E-saglam.az xəbər verir ki, bu qarışığın əsas tərkib hissələri bal və zəncəfildir. Balın antiseptik və sakitləşdirici xüsusiyyətləri boğazı yumşaldaraq qıcıqlanmanı azaldır. Zəncəfil isə iltihab əleyhinə təsiri ilə bədəndəki şişkinliyi azaldaraq tənəffüs yollarını rahatlaşdırır.
Soyuqdəymə, öskürək, bəlğəm və burun axıntısı kimi problemlərlə mübarizədə bu qarışıq güclü təsir göstərir. Xüsusilə yuxarı tənəffüs yolları infeksiyalarında nəfəs yollarını açaraq daha rahat nəfəs almağa imkan yaradır.
Zəncəfilin tərkibində olan aktiv maddələr immuniteti gücləndirərək orqanizmin xəstəliklərə qarşı müqavimətini artırır. Bu səbəbdən o, təbii antibiotik kimi qəbul edilir və xəstəliklərin yayılmasının qarşısını alır.
Balın içərisindəki vitamin və minerallar bədəni gücləndirərək gün ərzində daha enerjili hiss etməyə kömək edir. Bununla yanaşı, boğazda yaranan iltihabı və badamcıq şişlərini azaltmağa kömək edir.
Bu qarışığı hazırlamaq üçün bir çay qaşığı sürtgəcdən keçirilmiş zəncəfili bir xörək qaşığı balla yaxşıca qarışdırın. Qarışığı gündə bir neçə dəfə, xüsusilə yatmazdan əvvəl qəbul etmək daha yaxşı təsir göstərir.
İstəyə görə qarışığı isti su ilə qarışdıraraq çay kimi içmək olar. Bu üsul boğazı daha yaxşı sakitləşdirəcək və bəlğəmin asanlıqla çıxmasını təmin edəcək.
Kimyəvi dərmanlardan uzaq durmaq və təbii üsullarla sağalmaq istəyənlər üçün bu qarışıq ideal seçimdir. Tərkibində heç bir zərərli maddə olmadığı üçün böyüklər və uşaqlar tərəfindən rahatlıqla istifadə edilə bilər.
Mütəmadi olaraq bu qarışığı qəbul etdikdə, bədənin xəstəliklərə qarşı müqavimətinin artdığı müşahidə olunur. Xüsusilə soyuq aylarda bu təbii müalicə üsulu sağlam qalmaq üçün əvəzolunmazdır.
Əgər öskürək, boğaz ağrısı və ya burun axıntısı kimi problemlərdən əziyyət çəkirsinizsə, bu sadə resepti sınaqdan keçirin. Qısa müddət ərzində rahatlama hiss edəcək və daha sağlam hiss edəcəksiniz.
Tərcümə: Könül Oruc
