Rusiya regionunun rəhbəri Valeri Limarenkonun sözlərinə görə, Çin gəmisi "An Yan 2" Saxalin sahillərində qəzaya uğrayıb.
News365.az xəbər verir ki, hadisə 8 fevral tarixində Nevelsk dəniz limanı yaxınlığında baş verib.
Rusiya Fövqəladə Hallar Nazirliyinin məlumatına görə, gəmidə 56 ton dizel yanacağı, 706 ton mazut və min ton kömür var. Gəmi zədələnib, lakin yanacaq sızması qeydə alınmayıb.
Xilaskarlar güclü fırtına səbəbindən hələ ki, gəmiyə yaxınlaşa bilməyiblər. Hadisə ilə əlaqədar Saxalinin Nevelsk rayonunda bələdiyyə səviyyəsində fövqəladə vəziyyət rejimi elan edilib.
