Şabranda evi yararsız vəziyyətə düşən ailə üçün müvəqqəti çadır qurulub.
Avtosfer.az xəbər verir ki, bu barədə Fövqəladə Hallar Nazirliyindən (FHN) bildirilib.
Məlumata görə, FHN-ə Şabran rayonunun Sincanboyad kəndində Təbriz Eyvaz oğlu Qurbanova məxsus fərdi evin yararsız vəziyyətə düşməsi və ailənin yaşayış yerinin olmaması barədə məlumat daxil olub.
Bununla əlaqədar FHN-in Şimal Regional Mərkəzinin əməkdaşları tərəfindən müvəqqəti yaşayış məqsədilə çadır qurularaq vətəndaşa təhvil verilib.
