2021-ci ildə Perm Dövlət Universitetində odlu silahla atəş açan Timur Bekmansurov hücum tarixini xüsusi olaraq seçib.
Publika.az xəbər verir ki, "RİA Novosti" bu barədə iş materiallarına istinadən məlumat yayıb.
Hüquq fakültəsinin tələbəsi planlaşdırdığı qırğın üçün təhsil ocağının ən işlək olacağı, daha çox tələbənin dərsə gələcəyi günü seçib. Eyni zamanda o, bir qrup tələbəyə də qəsdən atəş açıb ki, qurbanlar daha çox olsun.
Sənədlərə görə, Bekmansurov əvvəllər atıcılıq kursunu bitirib və o, öldürmə gücünü, zərbə effektini artırmaq məqsədi ilə iri heyvanlar üçün nəzərdə tutulan uzunmənzilli ov tüfəngi alıb.
İş materiallarında qeyd olunur ki, Timur insanlara nifrət etdiyi üçün çoxdan kütləvi qətl törətməyi planlaşdırıb. O, həmçinin kütləvi qətllər törədən digər cinayətkarların səhvlərini ətraflı öyrənib.
