Məşhur alman idman brendi “adidas” Çempionlar Liqasının cari mövsümünün ələmə oyunları və final matçı üçün rəsmi topları təqdim edib.
Arena.az xatırladır ki, mötəbər yarışın final oyunu 2025-ci ilin may ayının 31-də Münhenin “Arena Münhen” stadionunda baş tutacaq.
Bu həftə, fevralın 11-də və 12-də isə UEFA Çempionlar Liqasının ələmə mərhələsinin oyunları başlayacaq.
Xatırladaq ki, Liqa mərhələsinin yarış cədvəlində 9-16-cı yerləri tutmuş komandalar (səpələnmişlər) 17-24-cü yerləri tutmuş komandalarla (səpələnməmişlər) 1/16 final mərhələsində qarşılaşacaqlar. İki oyunun nəticəsinə görə cütdə qalib gəlmiş komandalar yarışın 1/8 final mərhələsinə vəsiqə qazanacaqlar. Burada isə onları Liqa mərələsinin yarış cədvəlində ilk 8 yeri tutmuş komandalarla püşkatma əsasında baş-başa cütlük mübarizəsi gözləyir.
