AZ
Mövzular
İqtisadiyyat
10.02.2025 ◦ 17:38

Bakı-Lənkəran qatar reysi nə vaxt açılacaq? -

Lənkərana dəmir yolu ilə sərnişindaşıma xidmətinin olmaması bölgə sakinləri üçün ciddi narahatlıq doğuran məsələlərdən biridir. Vaxtilə Bakı-Lənkəran istiqamətində sərnişin qatarları fəaliyyət göstərsə də, son illərdə bu xidmət tamamilə dayandırılıb. Uzun məsafəli avtobus səfərlərinin yorucu olduğunu nəzərə alsaq, Bakı-Lənkəran dəmir yolu xəttinin yenidən bərpa edilməsi məsələsi gündəmə gəlir. Bəs Lənkərana dəmiryolu xəttilə sərnişin daşınması niyə həyata keçirilmir? “Azərbaycan Dəmir Yolları”QSC-nin İctimaiyyətlə əlaqələr şöbəsinin aparıcı mütəxəssisi Bəxtiyar Hacıyev Metbuat.az-ın sorğusuna cavab olaraq bildirib ki, hazırda bu istiqamətdə sərnişindaşıma nəzərdə tutulmur: “Yol infrastrukturu köhnəlib, sərnişindaşımaya yararlı deyil. ADY yol infrastrukturunu yenilədikcə pandemiyadan əvvəl fəaliyyət göstərmiş reyslərin mərhələli şəkildə bərpası həyata keçirilir”, - deyə açıqlamada qeyd olunub.

Sevinc İbrahimzadə / Metbuat.az

Seçilən
135
17
metbuat.az

10Mənbələr