“İran Silahlı Qüvvələri istənilən xarici təhdidə cavab verməyə hazırdır”.
“Qafqazinfo” TASS-a istinadən xəbər verir ki, bunu İran Silahlı Qüvvələrinin Baş Qərargah rəisi general-leytenant Mohammad Baqeri İsrail və ABŞ-nin İran ərazisinə zərbə endirməsi mümkünlüyünə barədə suala cavab verərəkən deyib.
Bu mövzunun ABŞ Prezidenti Donald Tramp və İsrailin Baş naziri Benyamin Netanyahu arasında son danışıqlarda müzakirə edildiyi ehtimal olunur.
“Silahlı Qüvvələr hər zaman olduğundan daha yaxşı vəziyyətdədir və istənilən təhdidə cavab verməyə hazırdır”, - Baqeri deyib.
Qeyd edək ki, fevralın 4-də Tramp İrana qarşı ABŞ-nin maksimum təzyiqinin bərpası haqqında Fərman imzalayıb. Sənəd Vaşinqtonun İran neftinin ixracının azaldılmasına yönəlmiş səyləri gücləndirməsini də nəzərdə tutur.
