2025-ci il Ermənistan üçün iqtisadi baxımdan son dərəcə çətin il olacaq.
Bu barədə Ermənistanın “Past” nəşri yazıb.
Nəşrə görə, ekspertlər bildirirlər ki, iqtisadi artım səngiyib, hətta tənəzzüllər də istisna edilmir.
“Səbəb ilk növbədə siyasidir, Nikol Paşinyanın nəyin bahasına olursa-olsun Ermənistan-Rusiya münasibətlərini pisləşdirməyə çalışması ilə bağlıdır. Avrasiya İqtisadi Birliyi (AİB) illərdir Ermənistana xeyli fayda verib və indi siyasi məsələlərə görə sanksiyalar tətbiq edə və ya başqa problemlər yarada bilər. Nəticədə iş adamları gözləmə vəziyyətindədirlər, qeyri-müəyyənlik artır. Avrasiya İqtisadi Komissiyası AİB ölkələrində işgüzar aktivliyin dinamikasında dəyişiklik qeydə alıb. Dərc edilmiş proqnozlara görə, Ermənistan artım fazasından işgüzar fəallığın azalmasına keçib. Ermənistan hakimiyyəti 2024-cü ili artımla bağlayıb, lakin bu, 2023-cü il göstəricisindən xeyli az olub. İndi Ermənistan iqtisadiyyatına əlavə təzyiqlər gözlənilir və tikinti sektorunun azalması səbəbindən Rusiyadan transferlər azalacaq. Ekspertlərin fikrincə, sosial üsyan uzaqda deyil”, - deyə nəşr bildirib.
