Oxuməni.az “Neytral Türkmənistan”a istinadən xəbər verir ki, Türkmənistan lideri İran prezidentinə telefon danışığı zamanı bildirib ki, Aşqabad Türkiyənin “Botaş” şirkəti ilə qazın İran ərazisindən mübadilə yolu ilə tranzitinə dair razılığa gəlib. Söhbətə istinadən Türkmənistan mediası təfərrüatlı məlumat vermir.
Ötən ilin payızında Türkiyənin Türkmənistandakı səfiri demişdi ki, Ankara 20 il müddətinə 300 milyard kubmetr türkmən qazı idxalına razılaşıb. Eyni zamanda, İrandan 2 milyard kubmetr svop yolu ilə gedəcək, sonra uzunmüddətli perspektivdə tədarük sualtı Xəzər qaz kəməri ilə (hələ mövcud deyil) 15 milyard kubmetrə çatmalıdır. Türkiyə bu enerji xammalından həm öz ehtiyacları, həm də Aİ-yə ixrac üçün istifadə etməyi planlaşdırır.
Türkmənistan çoxdan öz qazı ilə perspektivli Avropa bazarına çıxmaq istəyirdi. Bununla belə, bu, hələ də uzaq perspektivdir, çünki bu ölkənin bütün əhəmiyyətli yataqları metanı Aİ ilə bölüşdürmək niyyətində olmayan Çin tərəfindən işlənilir. Ona görə də Türkiyə və Avropaya tədarükün ciddi şəkildə artırılması üçün təkcə Xəzər dənizinin dibi ilə sualtı qaz kəmərinin çəkilməsi deyil, həm də yeni Türkmən qazı yataqlarının işlənilməsi lazım gələcək.
Almaz Həsənli
