Yaxşı bəs Bakıda iş yerlərinin qrafiki dəyişdiriləndə AYNA hardan biləcək ki, kim hansı saatda yola çıxdı? Çətin məsələdir. Amma "Təzadlar" əla təkliflə çıxış edir: təklif edirik ki, məmurlardan biri məhbuslar üçün yaradılmış qolbaq istehsal edən şirkət açsın, orada bu avadanlıqdan buraxsınlar. Təxminən bizə hələlik 1 milyon lazımdır. sürücülər bu qolbağları avtomobillərinə taxırlar. Təbii ki, pullu olacaq. Bununla da qolbağ hesabına büdcəyə xeyli vəsait də daxil olacaq. Cərimələr kimi...
Beləliklə, kim yola tez çıxsa, 100 manat cərimə ediləcək. Məlumdur ki, heç kim bu sərt qaydaya tab gətirməyib (bəzilərinin isə qəfil işi çıxacaq, xəstəsi ola bilər, roddoma tələsən də istisna olunmur) yola çıxacaq. Dərhal telefonuna mesaj gələcək ki, "Siz 100 manat cərimə və 3 balla cəzalandırılmısınız. Endirim 5 manat". Bununla da büdcəyə görün nə qədər vəsait daxil olacaq!.
Bax belə...
A.Məmmədli
