Şimali Koreya Rusiyaya 200-dən çox uzaqmənzilli artilleriya qurğusu tədarük edib və ehtimal ki, Moskvanın Ukraynaya qarşı müharibəsini dəstəkləmək üçün daha çox qoşun və silah göndərəcək, Cənubi Koreyanın Müdafiə Nazirliyi bildirib.
HİT.az xəbər verir ki, bu barədə "Yonhap" məlumat yayıb.
"Şimali Koreya 11 minə yaxın əsgər, raket, 200 uzaqmənzilli artilleriya qurğusu və xeyli miqdarda sursat təmin edib və ehtimal var ki, əsgər, silah və sursatla təmin etməkdə davam edəcək", deyə Cənubi Koreya Nazirliyi parlamentin müdafiə komitəsində keçirilən brifinqdə bildirib.
Moskva və Pxenyan ənənəvi olaraq hərbi yardımın göstərilməsinə münasibət bildirmirlər. Agentlik həmçinin qeyd edib ki, Şimali Koreyanın bu il nüvə sualtı qayıqları, casus peykləri və bərk yanacaqlı qitələrarası ballistik raketlər kimi qabaqcıl silahların inkişaf tempini iki dəfə artıracağı gözlənilir.
Şimali Koreyanın ABŞ-la münasibətləri ilə bağlı Cənubi Koreya Müdafiə Nazirliyi bəyan edib ki, Pxenyan sərt ritorika və təxribatlarla Vaşinqtonla danışıqlar üçün uyğun mühit yaratmağa çalışır.
Şimali Koreya ABŞ prezidenti Donald Trampın lider Kim Çen Inla münasibətləri yaxşılaşdırmaq niyyəti ilə bağlı bəyanatına cavab verməyib. Müdafiə Nazirliyi bunun əvəzinə raket sınaqları keçirdiyini və Kimin nüvə materialları istehsalı bazasına səfəri barədə məlumat verdiyini bildirib.
Müdafiə Nazirliyinin Baş Kəşfiyyat İdarəsinin rəisi Kirill Budanov yanvarın 23-də Şimali Koreyanın bu il Rusiyaya daha 150 KN-23 qısa mənzilli ballistik raket təhvil verəcəyini açıqlayıb. Şimali Koreya lideri Kim Çen In fevral ayında bildirib ki, Şimali Koreya nüvə silahı arsenalını inkişaf etdirməyə davam edəcək və Rusiyanın Ukraynaya qarşı müharibəsini dəstəkləməyə davam edəcək.
Samir
