Rusiyanın Federal Vergi Xidməti (FTX) azərbaycanlı bloger Hüseyn Həsənova məxsus “Banda Foods” şirkətinin hesablarını bloklayıb.
Yeniavaz.com Rusiya KİV-ə istinadla xəbər verir ki, buna səbəb vergilərin ödənilməməsidir.
Qeyd edək ki, videobloger bu şirkəti 2023-cü ildə açıb.
Xatırladaq ki, Hüseyn Həsənov Rusiyanın ən məşhur videoblogeri sayılır.
O, 5 iyun 1994-cü ildə Sankt-Peterburqda anadan olub. Sankt-Peterburq Dövlət İqtisad Universitetində təhsil alıb. Təhsil aldığı müddətdə KVN-də çıxış edib. Bundan sonra Hüseyn Həsənov “İnstaqram” üçün videoçarxlar çəkməyə və bloqunu davam etdirməyə başlayıb.
O, paralel olaraq bizneslə məşğuldur: kafelər şəbəkəsi və GG kişi geyimi markası var.