Suriya Demokratik Qüvvələrinin (SDQ) kürd birləşmələri ilə Suriya Baş Təhlükəsizlik İdarəsinin qüvvələri arasında gecə saatlarında Hələb əyalətində şiddətli toqquşmalar baş verib.
"Unikal" xəbər verir ki, bu barədə xarici KİV məlumat yayıb.
Qeyd olunub ki, kürdlərin sıralarında itkilər var: "Çərşənbə axşamı gecəsi Hələb əyalətinin şimal-şərqindəki Mənbic şəhəri yaxınlığındakı Tişrin bəndi ərazisində Baş Təhlükəsizlik Müdirliyi qüvvələri ilə SDQ üzvləri arasında şiddətli toqquşmalar baş verib".
Eyni zamanda, Baş Təhlükəsizlik Müdirliyi qüvvələri Hələb əyalətinin Ayn əl-Ərəb şəhərinin cənub kənarında bir sıra nəzarət-buraxılış məntəqələrinə hücum edib.
Ağarza Elçinoğlu
