Amerika Birləşmiş Ştatlarının Beynəlxalq İnkişaf Agentliyi (USAID) seçkilərə təsir göstərməkdə çox fəal iştirak edib.
Demokratikmusavat.com xəbər verir ki, bunu ABŞ hökumətin səmərəliliyi departamentinin (DOGE) rəhbəri İlon Mask deyib.
“USAID-in gördüyü işlərin çoxu şübhəli üsullarla seçkilərə təsir etmək məqsədi daşıyıb”, - Mask ABŞ prezidenti Donald Trampla birlikdə Ağ Evdə jurnalistlərin suallarını cavablandırarkən deyib.
Mask təfərrüatları açıqlamayıb və hansı ölkələrdəki seçkilərdən danışdığını dəqiqləşdirməyib.
USAID-in fəaliyyəti haqqında danışan Mask deyib: “İnvestisiyaların qaytarılması baxımından, deyərdim ki, ümumilikdə bu, yaxşı olmayıb”.
Tramp USAID-i səriştəsiz və çox korrupsioner təşkilat adlandırıb.
ABŞ administrasiyası fevralın 3-də USAİD-in fəaliyyətini faktiki olaraq dayandırıb. Bu strukturun müvəqqəti rəhbəri vəzifəsinə dövlət katibi Marko Rubio təyin edilib.
