“Fənərbağça”nın futbolçusu “Zenit”ə KEÇDİ

"Fənərbağça" bir neçə gün öncə heyətinə qatdığı Oqnen Mimoviçi icarəyə verəcək.

Bizim.Media xəbər verir ki, İstanbul nəhəngi serbiyalı sağ cinah müdafiəçisini "Zenit"ə göndərəcək. Bu barədə yerli mətbuat məlumat yayıb.

Artıq klublar arasında razılıq əldə olunduğu bildirilir. 20 yaşlı futbolçu mövsümün ikinci yarısını Sankt-Peterburq təmsilçisinin heyətində keçirəcək.

Qeyd edək ki, "Fənərbağça" Oqnen Mimoviçi "Srvena Zvezda"dan transfer edib. Serbiya U-21 millisinin üzvü ilə 2029-cu ilin yayına kimi nəzərdə tutulan müqavilə imzalanıb.

Rəşad Rafiqoğlu, Bizim.Media