“İranın raket proqramı üçün lazım olan materiallar Çindən Bəndər Abbas limanına gətirilib”
Bu barədə "CNN" telekanalı Qərb mənbələrinə istinadla məlumat yayıb.
Qeyd olunub ki, İran raket proqramını gücləndirməyə davam edir və bərk raket yanacağı istehsalı üçün lazım olan materialları daşıyan ilk gəmi Çindən Bəndər Abbas limanına çatıb.
Məlumata görə, hər biri min ton Çin istehsalı kimyəvi maddə daşıyan iki gəmidən birincisi dünən Bəndər Abbas yaxınlığında yan alıb.
“Ötən ilin oktyabrında İsrail İranın raket istehsalı obyektlərinə hücum etdikdən sonra bəzi Qərb ekspertləri İran hökumətinin bərk yanacaq istehsalını bərpa etməsi üçün ən azı bir il vaxt lazım olacağını proqnozlaşdırıblar. Ancaq yükün bu yaxınlarda çatdırılması onu göstərir ki, İran ya raket istehsalını bərpa edib, ya da normal istehsala qayıtmaq ərəfəsindədir”, - deyə, qeyd olunub.
"AzPolitika.info"