Rəqəmsal inkişaf və nəqliyyat nazirinin müşaviri Rəşad Bayramov bu gün işə skuterlə gedib.
Bu barədə o öz sosial media hesabında paylaşım edib.
"İlk dəfə bu gün işə skuterlə gəldim. Evimdən çıxıb yolun müəyyən hissəsini piyada gəldim. Ondan sonra yaxınlıqdakı dayanacaqlardan birində elektrikli skuter icarəyə götürdüm, lazımi proqramı yüklədim.
Bir az soyuq və yağışlı hava var idi. Buna baxmayaraq, bu kiçik səyahətdən zövq aldım. İş yerimə cəmi 20 dəqiqəyə çatdım. Hamıya uğurlu gün arzulayıram".
