AZ

Az iş, çox pul, daha rahat həyat: Maliyyə azadlığının sirri – AÇIQLAMA

Maliyyə azadlığı həyatımızın ən vacib azadlıqlarından biridir. Lakin bu, sadəcə pulun və əmək haqqının çoxluğu ilə ölçülən bir şey deyil. Hər gün işə getmək məcburiyyətində olan və ya iş vaxtı ərzində “tez yeyim, işə qaçım” düşüncəsiylə yaşayan insanlar hətta saatına 100 dollar qazansalar belə həqiqi zənginliyi hiss etmirlər. Onlar maliyyə azadlığına sahib deyillər.

“Çünki bu insanlar gündəlik həyatlarında bahalı maşın sürmək, dəbdəbəli evlərdə yaşamaq və ya ətrafındakılarla ayaqlaşmaq üçün gecə-gündüz çalışırlar. Qazandıqları pula isə bina tikənlərə, avtomobil istehsalçılarına və ya maliyyə azadlığına sahib olanlara sərf edirlər. Başqa sözlə, insan öz istəklərini və tələblərini düzgün idarə edə bilmədikdə çox qazanaraq belə başqaları üçün işləməyə məcbur olur”.

Bunu iqtisadçı ekspert Eldəniz Əmirov deyib.

O bildirib ki, tələblərini düzgün şəkildə idarə edə bilənlər özündən on qat çox qazananlardan daha zəngindirlər. Çünki onlar öz həyatlarını daha balanslı və sərhədli şəkildə yaşaya bilirlər. Bəzi milyonu olan bir şəxs az qazanıb az yeyən və həyatını sadə tutan bir çobandan daha azad və xoşbəxt həyat sürə bilər.

“Bu məqamda maliyyə azadlığının yalnız maddi gəlirlə ölçülmədiyini insanların həyat tərzini, tələblərini və arzularını nə dərəcədə düzgün idarə etdiklərinin önəmli olduğunu başa düşmək vacibdir”./Milli.Az

Seçilən
29
5
moderator.az

6Mənbələr