Hurriyyet.az TASS informasiya agentliyinə istinadla xəbər verir ki, Ukraynanın Baş naziri Denis Şmıqal "Politiko" (Politico) qəzeti üçün yazdığı məqalədə ABŞ Prezidenti Donald Trampın bəyanatları fonunda Kiyev ilə Brüsselin münasibətlərinin inkişaf perspektivlərindən bəhs edib.
Şmıqal Ukraynanın Avropa İttifaqı üçün kritik dərəcədə mühüm olan 30 növ faydalı qazıntıdan 22-nə malik olduğunu, Ukrayna ordusunun isə Avropa Silahlı Qüvvələrinin əsası və ABŞ-ın Avropadakı varlığına alternativ ola biləcəyini qeyd edib: "Ukrayna Aİ üçün olduqca mühüm olan 30 faydalı qazıntıdan 22-nə malikdir. Uran ehtiyatlarına görə Avropada birincidir. Biz nəinki öz enerji tələbatımızı ödəyə bilərik, xüsusilə də Aİ-də atom enerjisinə tələbatın artması şəraitində uran ixrac edə bilərik. Avropanın ən böyük litium ehtiyatlarına malikik... Ukrayna titan ehtiyatlarına görə dünya lideridir. Kəşf edilmiş ehtiyatların yalnız 10 faizi istehlak edilib".
Şmıqal Vaşinqtonun xaricdəki hərbi varlığını ixtisar etmək bəyanatlarının fonunda Ukrayna Silahlı Qüvvələrinin ABŞ ordusuna alternativ ola biləcəyini bildirib: "Bu, son zamanlarda xaricdəki hərbi varlığının saxlanılması məsələsinin məqsədyönlülüyünü müzakirə edən ABŞ ilə Avropa İttifaqının münasibətlərini möhkəmləndirə bilərdi".
Xatırladaq ki, ABŞ-ın müdafiə naziri Pit Heqset Tramp administasiyasının fikrincə, Avropanın özünün öz təhlükəsizliyini qorumalı olduğu barəsində xəbərdarlıq edib. NATO-nun Baş katibi Mark Ryutte isə ABŞ-ın iştirakı olmadan Avropa İttifaqı üzvlərinin özlətrini müdafiə edə bilməyəcəklərini söyləyib.
Hürr Tərcüman
