ABŞ prezidenti Tramp bildirib ki, "TikTok" bir Amerika şirkətinə satılmazsa, ABŞ-da qadağan edən qanunun 75 günlük dayandırılması uzadıla bilər.ABŞ Prezidenti Donald Tramp Oval Ofisdə keçirilən imza mərasimində "TikTok" ilə bağlı son hadisələri qiymətləndirib.Tramp "TikTok"un Amerika şirkətinə satılmadığı təqdirdə ABŞ-da qadağan edilməsini nəzərdə tutan qanunun icrasını dayandırmaq üçün verilən 75 günlük müddətin uzadıla biləcəyini, lakin bunun lazım olacağını düşünmədiyini söyləyib.Tramp "TikTok" ilə maraqlananların çox olduğunu və sövdələşməyə ümid etdiyini bildirib.Qeyd edək ki, ABŞ prezidenti Tramp vəzifəsinin ilk günündə "TikTok"un Amerika şirkətinə satılmadığı təqdirdə ABŞ-da qadağan edilməsini nəzərdə tutan qanunun icrasını 75 gün müddətinə dayandıran sərəncam imzalayıb.Tramp "TikTok"un qadağan edilməsinin tərəfdarı olmadığını, lakin qadağanın aradan qaldırılması üçün bunun yüzdə 50-nin ABŞ şirkətinə verilməsini istədiyini ifadə edib.
