Serbiyada AVRO-2004-ün seçmə mərhələsinin Serbiya və Monteneqro və Azərbaycan komandaları arasında Podqoritsada 22 il əvvəl keçirilmiş oyununu (2:2) xatırlayıblar.
Sportinfo.az xəbər verir ki, “Teleqraf.rs” portalı millimizin veteran forvardı, “Qarabağ”ın baş məşqçisi Qurban Qurbanovun iki qol vurduğu həmin görüşlə bağlı bunları yazıb:
"22 il əvvəl Serbiya millisi müharibədən sonrakı son tarixdə ən şokedici nəticələrdən birini yaşamışdı.
12 fevral 2003-cü ildə o vaxt Serbiya və Monteneqro millisi kimi tanınan "mavilər" 2004-cü il Avropa çempionatının seçmə mərhələsi çərçivəsində Azərbaycanla heç-heçə oynadı və daha sonra turnirdən kənar qaldı.
Həmin vaxt Serbiya və Monteneqro 2:0 hesabı ilə öndə olsa da, ikinci hissədə Qurban Qurbanovun 58 və 77-ci dəqiqələrdə vurduğu iki qol mane ola bilməyərək, vətəndə hamıya şok yaşatmışdılar.
Həmin tsikldə komanda iki dəfə Uels üzərində qələbə qazanmışdı, iki dəfə İtaliya ilə heç-heçə oynamışdı.
Lakin azərbaycanlılarla həmin heç-heçə, daha sonra bu milli ilə səfərdəki məğlubiyyət komandamızın qanadlarını qırmışdı".
