Ukrayna prezidenti Vladimir Zelenski verdiyi dəstəyə görə ABŞ-a təşəkkür edib və müharibəni bitirmək istəyini təsdiqləyib.
“Biz bunu həqiqətən çox istəyirik, lakin bizə real təhlükəsizlik zəmanətlərinə ehtiyacımız var və biz görüşlərimizi və işimizi davam etdirəcəyik və general Kelloqu da Ukraynada görməkdən çox məmnun olacağıq”, - o əlavə edib.
“European Pravda” saytının məlumatına görə, ABŞ-ın vitse-prezidenti J.D.Vens qeyd edib ki, Vaşinqton müharibənin uzunmüddətli nizamlanmasına nail olmağa çalışır.
“Biz qətlin dayandırılmasını istəyirik, lakin biz bir neçə ildən sonra Şərqi Avropada münaqişəyə səbəb olacaq sülhə deyil, davamlı sülhə nail olmaq istəyirik”, - ABŞ vitse-prezidenti əlavə edib.
O, həmçinin yaxın günlərdə, həftələrdə və aylarda Kiyev və Vaşinqton arasında “daha çox belə danışıqların” olacağına əminliyini ifadə edib.
S.ELAY
XQ
