Bakı, 15 fevral, AZƏRTAC
Fransanın Lil şəhərində polis məktəbinin kursantı barın qarşısında avtomobillə 5 nəfərə xəsarət yetirib.
AZƏRTAC “Le Matin” saytına istinadla xəbər verir ki, kursant sərxoş olduğu üçün bardan çıxarılıb. O isə bir müddət sonra geri qayıdaraq qisas məqsədi ilə avtomobili barın qarşısında dayananların üzərinə sürüb. Xilasedicilərin məlumatına görə, xəsarət alan 5 nəfərdən birinin vəziyyəti ağırdır.
Hadisəni törətməkdə təqsirləndirilən kursant həbs edilib.
