Yeni ildə avtomobil istehsalçıları bəzi modellərin qiymətlərini 20 faizdən çox artırmağı planlaşdırır.
Milli.Az xarici mediaya istinadla bahalaşmağa başlamazdan əvvəl indi almağa dəyəcək 2024-cü il avtomobillərinin siyahısını təqdim edir.
Cadillac CT5
2025-ci ildə qiymət artımı: 23 faiz
Cadillac CT5-i çətin ki, "ucuz" adlandırmaq olar. Bununla belə, ekspertlərin fikrincə, bir çox qabaqcıl innovativ xüsusiyyətlər təklif etdiyi üçün puluna dəyər. Bu, xüsusilə sürücülük təhlükəsizliyinə aiddir.
Toyota GR Supra
2025-ci ildə qiymət artımı - 20 faiz
Mütəxəssislər bu avtomobili məşhur Porsche Cayman ilə müqayisə edirlər, lakin Toyota GR Supra daha ucuzdur. Ümumilikdə ekspertlər avtomobilin təcrübəli sürücü üçün ideal seçim olduğuna inanırlar.
MINI Cooper
2025-ci ildə qiymət artımı - 12 faiz
MINI-lər bir vaxtlar büdcələri az olanlar arasında populyar idi, lakin son illərdə qiymətlər sürətlə yüksəlir. Yaxın gələcəkdə ekspertlər məşhur avtomobilin qiymətinin daha da artacağını proqnozlaşdırırlar.
Chevrolet Equinox
2025-ci ildə qiymət artımı - 11 faiz
GOBankingRates yazır: "Ədalətli qiymət axtaran alıcılar "Chevrolet"in əksər rəqiblərindən daha aşağı qiymətə malik 2024 modelini nəzərdən keçirməlidirlər".
Xatırladaq ki, "Equinox Chevrolet"in 2004-cü ildə təqdim etdiyi orta ölçülü krossoverdir. Ötən il şirkət bu avtomobilin dördüncü nəslinin istehsalına başlayıb.
Infiniti QX80
2025-ci ildə qiymət artımı - 11 faiz
Infiniti QX Yaponiyanın Infiniti şirkətinin lüks yolsuzluq avtomobilləri ailəsidir. 2013-cü ildən QX56 modeli Infiniti QX80 adlanır. Mütəxəssislərin fikrincə, avtomobil yüksək funksionallıq və belə bir avtomobil alarkən alacağınızı gözlədiyiniz sürücülük həzzini özündə birləşdirir. //Lent.az
Milli.Az
