ABŞ Prezidenti Donald Trampın Bayden administrasiyasının ağır MK-84 bombalarının İsrailə tədarükünə qoyulmuş qadağanı aradan qaldırdıqdan sonra onların bir partiyası Aşdod hava limanına çatdırılıb.
Bu barədə İsrail Müdafiə Nazirliyinin mətbuat xidməti məlumat yayıb.
"ABŞ hökumətinin təsdiqlədiyi 2 min kiloluq ağır bomba yükü İsraildə qəbul edilərək boşaldılıb. MK-84 ağır sursatları daşıyan gəmi Aşdod limanına yanaşaraq boşaldılıb. Sursat onlarla yük maşınına yüklənərək İsrail Hərbi Hava Qüvvələrinin bazalarına daşınıb", - məlumatda bildirilir.
İsrailin müdafiə naziri İsrael Katz deyib ki, bu ABŞ ilə möhkəm ittifaqın daha bir sübutudur.
Departament qeyd edib ki, İsrail üçün sursatların tədarükü və daşınması davam edir:
"Bu günə qədər 678 hava və 129 dəniz daşımaları ilə İsrailə 76 min tondan çox hərbi texnika göndərilib".
"Cebheinfo.az"
