ABŞ-nin Corciya və Kentukki ştatlarında yağan güclü yağışlar nəticəsində azı 9 nəfər ölüb.
APA xəbər verir ki, bu barədə “CNN” məlumat yayıb.
Kentukki ştatında 8, Corciyada isə 1 nəfər təbii fəlakət nəticəsində həlak olub.
Son 24 saat ərzində təcili yardım xidmətləri 1000-dən çox insanı xilas edə bilib.
Kentukki ştatının bəzi ərazilərində suyun səviyyəsi rekord həddə çatıb və yerli hakimiyyət orqanları 300-dən çox yerdə yolları bağlamaq məcburiyyətində qalıb.
“PowerOutage” monitorinq resursuna görə, ştatda 30 minə yaxın istehlakçı işıqsız qalıb.
