Ukraynada prezident seçkiləri 2025-ci il oktyabrın 26-da keçirilə bilər.
NOCOMMENT.az xəbər verir ki, bunu ölkənin keçmiş prezidenti Pyotr Poroşenko açıqlayıb.
“Bu ilin oktyabrın 26-da”, – deyə Poroşenko jurnalistin Ukraynada seçkilərin nə vaxt keçirilə biləcəyi ilə bağlı sualını cavablandırıb.
Poroşenkonun sözlərinə görə, bu tarixi ona Ukrayna prezidenti Volodimir Zelenskinin administrasiyasındakı və hüquq-mühafizə orqanlarındakı bəzi anonim mənbələr verib.
Ukrayna Konstitusiyasının müddəalarına görə, Zelenskinin prezidentlik müddəti 2024-cü il mayın 20-də başa çatıb. Seçkilər 2024-cü ilin martında keçirilməli idi, lakin prezident tərəfindən 2022-ci il fevralın 24-dən qüvvəyə minən Ukraynada hərbi vəziyyət elan edildiyi üçün seçkilər ləğv edildi.\\Unikal
