“Tottenhem”in baş məşqçisi Angelos Postekoqlu İngiltərə Premyer Liqasının 25-ci turunun “Mançester Yunayted”lə ev oyununu (1:0) şərh edib.
Arena.az BBC-yə istinadən, yunanəsilli avstraliyalı mütəxəssisin bu barədə fikrini təqdim edir:
“Bu gün qələbə qazanmaq bizim üçün vacib idi. Bu, yarış cədvəlində vəziyyətimizi yaxşılaşdırmaq baxımından bizim üçün əhəmiyyətli oyun idi. Fikrimcə, biz vaxtaşarı qənaətbəxş oynayırdıq. Bizim təpkimiz hərəki idi. Biz daha da yaxşı oynaya bilərik və artıracağıq. Bu gün ən vacib məqam qələbə idi”, deyə Postekoqlu vurğulayıb.
Cari mövsümdə keçirdiyi 25 oyunda 30 xal toplamış “Tottenhem” İngiltərə Premyer Liqasının yarış cədvəlinin 12-ci pilləsində qərarlaşıb. “Mançester Yunayted” isə 29 xalla 15-ci pillədədir.
Premyer Liqaya 60 xalla “Liverpul” başçılıq edir.
