Ukrayna hakimiyyəti Səudiyyə Ərəbistanında planlaşdırılan danışıqlar barədə heç nə bilmir, danışıqlarda iştirak etməyəcək və onları tanımaq niyyətində deyil.
Sitat.info xəbər verir ki, bu sözləri Ukrayna Prezidenti Vladimir Zelenski BƏƏ-də videobrifinq zamanı Rusiya və ABŞ nümayəndələri arasında Ər-Riyadda keçiriləcək görüşü şərh edərkən deyib.
“Ukrayna bu danışıqlarda iştirak etməyəcək. Ukrayna bu barədə heç nə bilmirdi. Ukrayna - Ukrayna ilə bağlı Ukraynasız istənilən danışıqları nəticəsiz danışıqlar kimi qiymətləndirir. Və biz olmadan bizim haqqımızda heç bir şeyi və ya hər hansı razılaşmanı tanıya bilmərik. Biz belə razılaşmaları tanımayacağıq”, - Zelenski bildirib.
Zelenski 19 fevralda Səudiyyə Ərəbistanına edəcəyi səfərin ABŞ və Rusiya nümayəndələrinin Ər-Riyaddakı danışıqları ilə heç bir əlaqəsi olmadığını bildirib.
