AZ

Karlsen qalmaqallı “cinsini” hərraca çıxarır


Norveç şahmatçısı Maqnus Karlsen Rapid üzrə dünya çempionatında qalmaqala səbəb olan cins şalvarını hərraca çıxarıb.
Yeniavaz.com
xəbər verir ki, bu barədə Karlsen sosial şəbəkədəki səhifəsində məlumat verib.
Karlsen geyim qaydalarını pozduğuna görə dünya çempionatından diskvalifikasiya edilib - o, oyuna cins şalvarla gəlib və onları klassik şalvarla dəyişməkdən imtina edib. Bundan sonra norveçli artıq Beynəlxalq Şahmat Federasiyasının (FIDE) turnirlərində iştirak etməyəcəyini açıqlayıb.
Təşkilatın rəhbəri Arkadi Dvorkoviç dünya blits çempionatının geyim qaydalarını yumşaltmaq qərarına gəlib və bundan sonra Karlsen turnirdə iştirak etməyə razılaşıb. Yarışda o, birinci yeri rusiyalı Yan Nepomnyaşşi ilə bölüşüb.
“Qadağan olunmuş cins şalvar artıq sizin ola bilər. Cins şalvarımı hərracda satıram. Belə bir şey yazacağımı heç düşünməzdim. Bütün gəlir xeyriyyə proqramına sırf ediləcək”, - Karlsen yazıb.
Seçilən
19
yeniavaz.com

1Mənbələr