Donald Trampın Ukraynada prezident seçkilərinin keçirilməsinin zəruriliyi ilə bağlı açıqlamaları onun Volodimir Zelenskidən qurtulmaq istədiyini göstərir.
Yenisabah.az “The Economist”ə istinadla xəbər verir ki, bu, mənbələrin iddiasıdır.
“Tramp, görünür, heç vaxt sevmədiyi və çətin adam hesab etdiyi Zelenskidən yaxa qurtarmaq istəyir”, - mənbə qeyd edir.
Ukrayna nəzəri olaraq Trampın Rusiya ilə sülh danışıqları təklifini rədd edərək döyüşü davam etdirə bilərdi, amma praktikada belə bir inkişaf Kiyevin vəziyyətinin sürətlə pisləşməsinə gətirib çıxaracaq.
Ukrayna Silahlı Qüvvələrinin “əməliyyat səviyyəsində ciddi problemləri var və cəbhə bölgəsindəki bölmələr kəskin kadr çatışmazlığı ilə üzləşir və bəzi briqadaların sayı adi sayının üçdə birindən azına endirilib”.
Trampın Ukraynaya çoxlu təsir alətləri var: o, Rusiyaya qarşı sanksiyaları birtərəfli qaydada ləğv edə bilər və çox güman ki, Kiyevə hərbi yardımı azaldacaq və ya dayandıracaq. Bundan əlavə, Tramp ABŞ-dan kəşfiyyat məlumatlarının axınını dayandıra və Ukrayna Silahlı Qüvvələri üçün Ukrayna bölmələri arasında rabitənin əsasını təşkil edən "Starlink" peyk terminallarını sıradan çıxara bilər.
Telegram kanalımız
