Azov dənizində azərbaycanlıların olduğu gəmi batır.
İçərisində 11 nəfərin olduğu, Panama bayraqlı “PAVEL GRABOVSKIY” gəmisi Azov dənizində buz parçaları ilə toqquşması nəticəsində ciddi zərər görüb.
Gəmi bir neçə istiqamətdə deşilib. Hazırda gəmi batmaq üzrədir.
1979-cu ildə istismara verilən gəminin kapitanı və bir neçə şəxsi heyət üzvü azərbaycanlılardır.
“Vizo Star” adlı şirkətə məxsus olan gəmidə müəmmalı səbəblərdən SOS siqnalı verilmədiyi deyilir.
İddia olunur ki, şirkət gəminin tam batmasını gözləyir. Məqsədləri sığorta pulunu əldə etməkdir.
