ABŞ prezidenti Donald Tramp Yunanıstanın Aleksandrupolisindəki (Dedeağac) ABŞ bazasını bağlamaq qərarına gəlib.
Demokratikmusavat.comxəbər verir ki, bu barədə Yunanıstanın “Dimokratia” qəzeti yazıb.
Nəşrin yazdığına görə, ABŞ prezidenti Donald Tramp Türkiyə prezidenti Rəcəb Tayyib Ərdoğan və Rusiya prezidenti Vladimir Putinin istəyinə əsasən Dedeağaç hərbi bazasının bağlanmasına göstəriş verib.
Yunan nəşrinin yazdığına görə, bu qərar Yunanıstan cəmiyyətində şok effekti yaradıb və Trampın bu addımı Yunanıstan üçün strateji itki olacaq.
Qeyd edək ki, Türkiyə illərdir, ABŞ-nin Dedeağaçdakı hərbi varlığına qarşı çıxır.
Dədəağaçdakı baza Bayden rəhbərliyi dövründə Rusiya ilə Ukrayna müharibəsində Ukraynaya sursat və dəstək vermək üçün istifadəyə verilib.
Mürtəza
Demokratikmusavat.com
