ABŞ prezidenti Donald Tramp G7 sammitində Kanadanın baş nazirini qubernator adlandırıb.
Demokratikmusavat.com xəbər verir ki, bu barədə sosial şəbəkədə yazıb.
Tramp deyib ki, Fransa prezidenti Emmanuel Makron G7 sammitində çıxış etmək üçün Oval kabinetdə ona qoşulub.
"G7-nin hazırkı sədri, Kanada qubernatoru Castin Trüdo Rusiya-Ukrayna müharibəsinin üçüncü ildönümünü qeyd etmək üçün görüş təşkil edib. Hansı ki, mən prezident olsaydım, bu müharibə heç vaxt başlamayacaqdı. Hər kəs müharibəni bitirmək məqsədini ifadə etdi və mən ABŞ və Ukrayna arasında çox tezliklə imzalanacağına ümid etdiyimiz həyati əhəmiyyət kəsb edən “Təhlükəli Minerallar və Nadir Yer Elementləri Müqaviləsi”nin vacibliyini vurğuladım!
“İqtisadi Tərəfdaşlıq” olan bu sövdələşmə Amerika xalqının Ukraynaya göndərdiyi on milyardlarla dolları və hərbi texnikanı geri qaytarmasını təmin edir. Bu amansız və vəhşi müharibənin sona çatması ilə Ukrayna iqtisadiyyatının böyüməsinə kömək edəcək. Eyni zamanda, mən Rusiya prezidenti Vladimir Putinlə müharibənin dayandırılması, ABŞ ilə Rusiya arasında imzalanacaq böyük iqtisadi inkişaf sazişləri barədə ciddi danışıqlar aparıram. Danışıqlar çox yaxşı gedir!"
Abbas
