Almaniyanın Frankfurt şəhərində Avropa Olimpiya Komitələrinin (AOK) 54-cü Baş Assambleyası keçirilir.
İdman.biz xəbər verir ki, tədbirdə ölkəmizi Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə, Baş katib Azər Əliyev və MOK-un xarici əlaqələr idarəsinin müdiri Anar Bağırov təmsil edirlər.
Tədbir çərçivəsində Milan-Kortina 2026 Qış Olimpiya Oyunları, İstanbul 2027 Avropa Oyunları və AOK-un “Strategiya Gündəliyi - 2030” kimi vacib mövzular müzakirə olunur. Bundan əlavə, “Ən yaxşı avropalı gənc atlet” üçün “Pyotr Nurovski” mükafatı və Avropa Olimpiya Komitəsinin “Olimpiya çələngi” mükafatı təqdim ediləcək.
Qeyd edək ki, fevralın 28-də başlayan tədbirə bu gün yekun vurulacaq.
İdman.biz
