“Yaddan çıxarmayaq ki, üç il əvvəl əcnəbilər, QHT-lər və müxalifət hamımızı müharibə və dağıntıya qurban verdi. Onlar bunu öz siyasi kini, təkəbbürü və başqalarının ağlı ilə hərəkət etməsi ilə etdilər”.
Hafta.az-ın yazdığına görə, bunu Gürcüstan parlamentinin sədri Şalva Papuaşvili sosial şəbəkədə yazır.
Papuaşvili qeyd edib ki, onlar nə ilə oynadıqlarını, nəyi riskə atdıqlarını başa düşmürlər.
“Belə məsuliyyətsiz, ölkənin və xalqın taleyi ilə oynayan insanları hakimiyyətə yaxın buraxmaq yolverilməzdir. Əcnəbilər isə bizi öz ölkələrinin qısamüddətli maraqlarına dəyişdilər. Bizi demək olar ki, kökündən zəif siyasətin qurbanına çevirdilər. Amma bizi cəmiyyətimizin müdrikliyi və hakimiyyətinin gücü, xalqın inamı və güvəni, tarixi yaddaşı, çoxluğun ağlı xilas etdi. Hər dəfə əcnəbilər bizə ağıl verəndə, dırnaqarası QHT-lər daha bir petisiya tərtib edəndə və müxalifət seçkilərdə onlara səs verməyi tələb edəndə bunu xatırlamalıyıq”, - Şalva Papuaşvili yazır.
