"Yaxınlaşan Aİ sammitində (Xüsusi Avropa Şurası iclasında) biz indiyə qədər dediklərimizi təkrarlayacağıq: Ukraynanın Aİ-yə qəbul edilməsi real deyil", - deyə Orban sosial şəbəkə hesabında yazıb.
Onun sözlərinə görə, Macarıstan hesab edir ki, Ukraynanın Aİ-yə tezliklə üzv olması həm ölkənin kənd təsərrüfatını, həm də ümumilikdə Avropa iqtisadiyyatını çökdürə bilər.
Bundan əlavə, Orban Ukraynanın indiyədək Zakarpatyedəki etnik macar azlığının hüquqlarını bərpa etmədiyini və Macarıstanın enerji təhlükəsizliyini təhdid edən addımlardan çəkinmədiyini vurğulayıb. Budapeşt Kiyevin Avropa institutlarına inteqrasiyası müzakirə olunarkən məhz bu tələbləri irəli sürmüşdü.
Bununla belə, Orban Ukraynanın Aİ-yə üzv ola biləcəyini tamamilə istisna etməyib və bunun yalnız lazımi tələblər və şərtlər yerinə yetirildikdə mümkün olacağını bildirib.
