Olaylar.az xəbər verir ki, Knayslın TASS-a verdiyi açıqlamaya görə, Ukrayna Ali Radasında keçirilən səsvermə zamanı Zelenski məğlub olub və Ukrayna Konstitusiyasına əsasən, onun mandatı ötən ilin may ayından etibarən başa çatıb. O vurğulayıb ki, "qanuni baxımdan Zelenski artıq prezident deyil və onun səlahiyyətləri parlament spikerinə keçib."
Keçmiş nazirin sözlərinə görə, Ukraynanın növbəti danışıqlarda hərbi nümayəndələr tərəfindən təmsil olunacağı gözlənilir. "Yeni Ukrayna hökumətinin tezliklə formalaşacağını düşünmürəm. Hazırda əsasən hərbi və texniki məsələlər müzakirə olunur və ilkin mərhələdə bu məsələləri hərbçilər həll edəcək," - deyə Knaysl qeyd edib.
Fevralın 28-də Zelenski ABŞ Prezidenti Donald Trampla görüşmək üçün Ağ Evə gedib. Jurnalistlərin iştirak etdiyi söhbət zamanı Tramp Ukrayna liderini ABŞ-yə hörmətsizlikdə ittiham edib, vitse-prezident Cey Di Vens isə Vaşinqtonun Kiyevə verdiyi dəstəyə görə minnətdarlıq göstərmədiyini vurğulayıb. Daha sonra görüşün yekunlarına dair mətbuat konfransı ləğv edilib və ABŞ-Ukrayna mineral sazişi imzalanmayıb. Tramp özünün Truth Social platformasında paylaşım edərək Zelenskinin "hörmətsiz" və "Ukrayna münaqişəsinin dinc həlli üçün hazırlıqsız" olduğunu bildirib.
