“Azərbaycan Beynəlxalq Bankı”nın (ABB) aktivlərində nağd vəsaitlərin, banklar və digər maliyyə institutlarındakı depozitlərin, banklar və digər maliyyə institutlarına verilən kreditlərin payı kəskin azalıb.
Valyuta.az bu barədə ABB-nin maliyyə hesabatına istinadən xəbə verir.
2024-cü ildə ABB-nin aktivlərinin həcmi 13 milyard 628 milyon 949 min manat təşkil edib ki, bu da 2023-cü illə müqayisədə 39 milyon 292 min manat və ya 0,2% azdır.
2023-cü ilin sonunda bankın aktivlərinin həcmi 13 milyard 668 milyon 241 min manat olub.
ABB-nin nağd vəsaitlərinin həcmi 2024-cü ilin sonunda 3 milyard 162 milyon 282 min manat olub ki, bu da illik müqayisədə 908 milyon 587 min manat və ya 22,3% azdır.
2023-cü ildə nağd vəsaitlərin həcmi 4 milyard 070 milyon 869 min manat təşkil edib.
2024-cü ildə nağd vəsaitlər aktivlərin 23,2%-ini təşkil edib, halbuki bu göstərici 2023-cü ildə 29,7% idi.
Banklar və digər maliyyə institutlarındakı depozitlərin həcmi 393 milyon 174 min manat təşkil edib ki, bu da 2023-cü illə müqayisədə 78,6% və ya 1 milyard 452 milyon 614 min manat azdır.
ABB-nin 2023-cü ildə banklar və digər maliyyə institutlarındakı depozitlərin həcmi 1 milyard 845 milyon 788 min manat təşkil edib.
ABB-nin banklar və digər maliyyə institutlarındakı depozitlərin həcminin aktivlərində payı 2,8% idi, halbuki 2023-cü ildə bu göstərici 13,5% idi.
2024-cü ildə ABB-nin aktivlərində banklar və digər maliyyə institutlarına verilən kreditlərinin həcmi 19 milyon 808 min manat təşkil edib ki, bu da illik müqayisədə 15,6% və ya 3 milyon 676 min manat azdır.
2023-cü ildə banklar və digər maliyyə institutlarına verilən kreditlərinin həcmi 23 milyon 484 min manat olub.
Banklar və digər maliyyə institutlarına verilən kreditlərinin həcminin aktivlərdə payı 0,1% təşkil edib.
Nara
